منتديات ودراوة للفكر والابداع
المواضيع الأخيرة
» اضخم مكتبة كتب الكترونية على النت للتحميل المباشر
السبت أكتوبر 10, 2015 6:04 am من طرف شموخ انسان

» للأستفادة من البحوث العلمية
الأربعاء ديسمبر 24, 2014 1:56 am من طرف فدوة

» استحداث منظومة الكترونية
الأربعاء ديسمبر 24, 2014 1:42 am من طرف فدوة

» نداء الى عبد الله النور الامين ابراهيم او من يعرفه
الجمعة أكتوبر 03, 2014 11:03 am من طرف ايمن النور

» السلام عليكم والرحمة
الجمعة سبتمبر 12, 2014 3:31 am من طرف فدوة

» السلام عليكم والرحمة
الجمعة سبتمبر 12, 2014 3:26 am من طرف فدوة

» هداياااااااااا للزوج
الأربعاء أغسطس 06, 2014 8:23 am من طرف الزهرة الجورية

» تخلص من داء الكبد الوبائي (ب) بفضل المنتجات الهاشمية
الثلاثاء يونيو 24, 2014 4:27 am من طرف غبيشة

» تعريفات طابعات ولابتوبر واسكنر وكاميرات وغيرها
الخميس مايو 29, 2014 2:42 am من طرف جابر الرميثي

دخول

لقد نسيت كلمة السر



المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 84 بتاريخ الإثنين أكتوبر 28, 2013 11:02 am

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ازمة التعبير وغرابة التفكير

اذهب الى الأسفل  رسالة [صفحة 1 من اصل 1]

1default ازمة التعبير وغرابة التفكير في الثلاثاء أغسطس 10, 2010 3:44 am

بت ودراوة


حقيقه كنت ولا زلت بقول انو نحنا شعب غريب..

ومن ضمن حاجاتنا الغريبه إننا ما بنقدر نعبّر عن حبنا
وإعجابنا للناس البنشعر ناحيتهم بالشعور دا.....!!!!

بتكون جوّانا شحنات كبيره من العواطف والاحساس بالحب
والحنان لكن ما بنفتح خشمنا ونتكلم أصلو....إلا ما ندر......
بالذات مشاعرنا تجاه امهاتنا واخوانّا واخواتنا...........الخ
يعنى الناس البتربطنا بيهم علاقة دم.......اى واحد فينا
بحب والدته وبموت فى التراب البتمشى عليهو....لكن يصدف إنو
نهائى ما قال ليها (بحبك).......ممكن نلف وندور حول الموضوع :
(ياست الكل إنتى البركه كلها ونحنا من غيرك عدم..ربنا يخليك لينا)
ودى زاتا مابتلقى ناس كتار يقولوها......لكن (بحبك).....كده....أبداً..
الواحد كان ضبحوه ما ينطقها......تقول حيكفر كان قالها....

اما الوالد خلوه ساي......دا حقو رايح رسمى وشعبى...
ياكافى البلا ويا حايد المحن زول بعبره ويقول كلمه زى دى مافى.......
احاسيسنا دايماً بتترجم فى شكل افعال.........نتكلم لا..........

فلاحتنا فى التعبير للجكس...تعبير شديد للبنات......التعبير راااااااااقد
بالكوم والردوم......تكب الحنك كلو مع البطه بتاعتك....تجى البيت
لسانك يتربط........


فى شنو يا أخوانا...........؟؟!!!! تعالوا لي بى جاى نفكر سوا.......

2default رد: ازمة التعبير وغرابة التفكير في الأربعاء أغسطس 11, 2010 4:51 am

Sami Assad

avatar
يا اخت هذه أشياء متوارثة ولا نستطيع التحكم فيها كي نغيرها
حتى الحبيبة او الجكس كما تقولين حينما تصبح زوجة وام عيال يصعب جدا استعمال كلمة بحبك لها...
حبنا لامهاتنا واباؤنا لا يلزم ان نثبته بهذه الكلمة والتى فقدت معناها وأصبحت تستعمل لأصطياد العقول والاستيلاء على قلوب الفتيات
نعم هى كلمة جميلة ورائعة لكن التكرار الكثير والاساليب الملتوية جعلتها اقرب للكلمة الخادعة
لا شك فى اننى احب بناتى ومستعد افعل اي شئ لأجلهم لكننى لم اقل لهما اننى احبكم لكننى استعملت كلمات بديلة وايحاءات تدل وتثبت هذا الحب مثل انا بريدكم شدييييد
اختى بت ةدراوة ... عندنا مثل بقول السواى ما حداث... والحب عطاء وليس حديثا...وصدقينى الوالد والوالدة ما بحتاجوا لهذه الكلمة من الابناء...... ممكن الزوجة او الحبيبة تحتاج لهذا التعبير من الزوج
لكن الوالدة والوالد لا.......

3default رد: ازمة التعبير وغرابة التفكير في الأحد أغسطس 15, 2010 5:13 am

بت ودراوة


اخ سامي ليه ما نقول انو دا كان زمان ما بنقدر نعبر صراحة عن حبنا لكن نحنا الان في الالفية التالتة وعصر العولمة ليه ما نصرح لابنائنا بالحاجات دي في خصوصا انهم بفهمو يعني شنو حب ما زينا زمان (اقصد زيكم

4default رد: ازمة التعبير وغرابة التفكير في الإثنين أغسطس 16, 2010 10:57 pm

bashirahmed


Admin
الحكاية يا جماعة تعويدة ولو الطفل عودوهو من ما هو صغير على كلمة حا يكبر وينطقها الا زى ما قال سامي الواحد بعد ما كبر وبقى عمرو اربعينات وزيادة من الصعب يتعود على حاجة زى دي وبعدين انتو عودوا الجيل الجائي لو الكلمةد ي مهمة عندكم - التعبير الفظي له معناه وممكن يفعل فعل السحر ولكن تبقى القيم هى الاسماء والحب افعال لا كلام
وربنا يرضى عنا وعن والدينا ووالد والدينا ويرحمهما كما ربياني صغيرا ويرحم الجميع
وجزاك الله كل الخير

5default رد: ازمة التعبير وغرابة التفكير في الثلاثاء أغسطس 17, 2010 10:33 am

Sami Assad

avatar
أحبك احبك انا مجنونك

بريييدك يا شقى الايام

جملتين معناهما واحد... كل جملة بتحوى 4 كلمات
لكن الجملة التانية أعمق وأصدق من الاولى لأنها بتتناسب مع سودانيتنا

احبك انا مجنونك
مجرد تعبير متكرر ممكن تكون فيه الصناعة يعنى غير صادق
قصدت بذلك ممكن نستعمل كلمات واساليب من تراثنا تعبر عن حبنا لأهلنا لكن الكلمات والاساليب المستوردة لما نستعملها بتكون ضعيفة وأقرب للتكلف من التلقائية
انا معاك يا بت ودراوة فى ان على الرجل ان يجتهد قليلا في التعبير عن مشاعره لفظا... لكننى ارفض تشويه ثقافاتنا باساليب مستوردة

6default رد: ازمة التعبير وغرابة التفكير في الأربعاء أغسطس 18, 2010 2:52 pm

عمر مبارك البشير


ياجماعه نحن متفين انو طريقتنا في التعبير عن الحب للوالدين والابناء بالطريقه التي ذكرتها بنت ودراوة اجمل بكثير من اي كلمه صريحه ( بحبك ؛ بريدك )
اما بالنسيه للجنس الاخر راااااقده وعلي قفي من يشيل بس من غير طعم ولا رائحه ولا حتي نكهه موز (جناين عبد الله ) اللهم الا من رحم ربي
طيب نحن ما ندعو للجديه والالتزام في موضوع الحب للجنس الاخر من غير لف ودوران حول الموضوع ونطرحه موضوع المنتدي للشهر ده لاننا جد بنعاني من الجديه ؛ بعدين طريقه توصيل الحب بتختلف حسب مكانه الزول عندك ( لانو الحب هو استعدادك لمناصفه الاخر نصف ذاتك )
انا بعرف ناس عاشو قصه حب جميله خالص اكثر من خمسه سنه من غير التعبير للاخر بلفظه بحبك والحمد لله الان عندهم ثلاثه اطفال عسل ( لما اتمنيت لو كنت انا )ما حساده مني بس بعاين بعيوني .

7default رد: ازمة التعبير وغرابة التفكير في الخميس أغسطس 19, 2010 10:40 am

ماريا


ياشباب بت ودراوه ركزت على نقطه معينه انو فى مجتمعنا الجكس والحبيبه بيعبرو ليهم عن الحب اما اقرب وافضل الناس لينا تعبيرنا عن الحب ليهم شحيح ونكتفى بالافعال فقط وفى ناس ياكافى البلا لا دا لا دا والجكس يابختهم يعبرو ليهم بالقول والفعل يس فى حاجه التعبير دا بنقطع بعد العرس وعشان مااظلم فى جزء بستمر بعد العرس والرومانسيه مابتتقطع مش كدا

8default رد: ازمة التعبير وغرابة التفكير في الإثنين أغسطس 23, 2010 5:40 am

بت ودراوة


اشكرك يا اختاه على المشاركة
والشي التاني ()خليهو بيناتنا
[b]

9default رد: ازمة التعبير وغرابة التفكير في الثلاثاء أغسطس 24, 2010 2:17 pm

طارق عبدالرحيم الصديق


حقيقه توجد ازمه تعبير اسبابها كثيره اولها اختلاف الاجيال بل هو السبب الرئسى ,ونجد ان كثير من الصحف افردت مساحات لهذا الموضوع بهدف التقارب والتفاهم بين الاجيال ,بل هنالك كتاب مثل الفاتح جبرا {ساخر سبيل} تخصص فى مثل هذه المواضيع مثل موضوع {الحاجه طلعت تفتيحه} استعان الاستاذ بقاموس لمفردات يتداولها شباب اليومين ديل وللفائده سانقل لكم هذه المفردات لكى تسهل الكثيرين التعامل مع ابنائهم اواخوانهم او ونستهم او التواصل معهم
قاموس المفردات

الجلك/الجلكينة = الأب والأم

الألفة = الأخ الكبير
حرس الصيد = الحبوبة

الدفار= المراة السمينة

الركشة = المرأة الضعيفة

الحنان- والحاجة والبتاعة = المرأة

جكس + بلوم + حمام = بنات.

سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه

بُقاقه = بنت سمحة
قرمبوزه = بنت عمر 18 عام
سنقنق = بنت في عمر الزهور

نار منقد + نجاضه + شديدة = يعني بت سمحة شديد

شرط للأرض == سمحة شديدة .

التفتيحة = الرجل الواعي

يعرف كيف يكب (المكنات والجاكات) أى يكذب ( ويحنك الفارات) أى يغش ويخدع المغفلين

الجوكي = سواق الرقشة

الشمار = النميمة

القدة = كثير الكلام
قعونجة+نحل+دبايب + مظلات = شخص يفرض نفسه ويتواجد فى كل مكان/ زول ما معزوم

ورل= اكبردرجه من(دبيب ونحل وضفادع) .

مرطّب= مرتاح أو بحاله ممتازه.
ربه=حفله.
دكا كينيه= خاصة.

سفاسف + جومة + عضة = اكل او طعام
ياعمك= ياأخونا.
كهارب+كنجالات + ضحاكات + تشديرة + شرتيت= فلوس او نقود.
هكر+شجر= زول قديم

تبشه= شخص(عوير).
فاره + فرندقس ساي = شخص لا يعرف شي

حمام= زول ضعيف الشخصية

معلم واسطي = زول قوي جداً

فلان دقس واتلحس = خدعوه وأكلو حقوه

زول ما ناقش زول مسطح = زول أهبل

سيراليون = سيرة العريس

جر نور = نظر لمدة طويلة

فلان مجنترأو فاطي سطر أو مولع = يعني ليس فى كامل قواه العقلية

قلب= إنسان عزيز.
فلان كسح وفتح وقد سلك ورقد صوف = ذهب أو هرب.
شاكوش أو همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رائع.
شرامي= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز + الفقس = أسماء لرقصات شبابيه.
قائد الأسطول= مسطول

سكروتا + مسنن = سكران .
مهوى= جائع.
كبايه + كبابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير او انسان ما مرحب بيو في الحته
الطيارة =من لا حبيبه له
بيض == زول أي كلام .
حنااااك == يعني زول لسانو حلو
الحنك شنو = الموضوع شنو او الخبر شنو

الاستكش + الخدرا + بشرب الشديد = البنقو او سجاير البنقو
والله داير اعمل أبو حمامة : داير امشي الحمام
خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل

صديق منزول: تعني مصاب بنزلة برد

زوغبير+ كب الزوغة: يعني مشى اوزاغ

صلاح مصطفي: الإصلاح بين شخصين

على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
صديق منزول : النزول
زيادة حمور : زيادة في السعر
أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة
إلف جنية = جيبب بحنة + حبكة
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر = مائة

______





مقرم/شفت = شخص نبيه وذكي

كسير تلج = الشخص المنافق والمتزلف لرؤسائه

الأبيض ضميرك = رجل المرور

رمتالي = شخص ما نده موضوع

ضنين الوعد = للحمة الضان

سمير غانم = التيوس والماعز

جنينة = شخص مجنون

احمد راتب = الماههية والراتب

السلفادور = السلفية






الصغار.

10default رد: ازمة التعبير وغرابة التفكير في الثلاثاء يوليو 16, 2013 7:21 am

basmaahmed

avatar
شكرا على تعبك

http://wadrawa.yoo7.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى