منتديات ودراوة للفكر والابداع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المواضيع الأخيرة
» اضخم مكتبة كتب الكترونية على النت للتحميل المباشر
ازمة التعبير وغرابة التفكير Emptyالسبت أكتوبر 10, 2015 6:04 am من طرف شموخ انسان

» للأستفادة من البحوث العلمية
ازمة التعبير وغرابة التفكير Emptyالأربعاء ديسمبر 24, 2014 1:56 am من طرف فدوة

» استحداث منظومة الكترونية
ازمة التعبير وغرابة التفكير Emptyالأربعاء ديسمبر 24, 2014 1:42 am من طرف فدوة

» نداء الى عبد الله النور الامين ابراهيم او من يعرفه
ازمة التعبير وغرابة التفكير Emptyالجمعة أكتوبر 03, 2014 11:03 am من طرف ايمن النور

» السلام عليكم والرحمة
ازمة التعبير وغرابة التفكير Emptyالجمعة سبتمبر 12, 2014 3:31 am من طرف فدوة

» السلام عليكم والرحمة
ازمة التعبير وغرابة التفكير Emptyالجمعة سبتمبر 12, 2014 3:26 am من طرف فدوة

» هداياااااااااا للزوج
ازمة التعبير وغرابة التفكير Emptyالأربعاء أغسطس 06, 2014 8:23 am من طرف الزهرة الجورية

» تخلص من داء الكبد الوبائي (ب) بفضل المنتجات الهاشمية
ازمة التعبير وغرابة التفكير Emptyالثلاثاء يونيو 24, 2014 4:27 am من طرف غبيشة

» تعريفات طابعات ولابتوبر واسكنر وكاميرات وغيرها
ازمة التعبير وغرابة التفكير Emptyالخميس مايو 29, 2014 2:42 am من طرف جابر الرميثي

دخول

لقد نسيت كلمة السر

المتواجدون الآن ؟
ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 84 بتاريخ الإثنين أكتوبر 28, 2013 11:02 am

ازمة التعبير وغرابة التفكير

+3
bashirahmed
Sami Assad
بت ودراوة
7 مشترك

اذهب الى الأسفل

https://i.servimg.com/u/f4 ازمة التعبير وغرابة التفكير

مُساهمة من طرف بت ودراوة الثلاثاء أغسطس 10, 2010 3:44 am

حقيقه كنت ولا زلت بقول انو نحنا شعب غريب..

ومن ضمن حاجاتنا الغريبه إننا ما بنقدر نعبّر عن حبنا
وإعجابنا للناس البنشعر ناحيتهم بالشعور دا.....!!!!

بتكون جوّانا شحنات كبيره من العواطف والاحساس بالحب
والحنان لكن ما بنفتح خشمنا ونتكلم أصلو....إلا ما ندر......
بالذات مشاعرنا تجاه امهاتنا واخوانّا واخواتنا...........الخ
يعنى الناس البتربطنا بيهم علاقة دم.......اى واحد فينا
بحب والدته وبموت فى التراب البتمشى عليهو....لكن يصدف إنو
نهائى ما قال ليها (بحبك).......ممكن نلف وندور حول الموضوع :
(ياست الكل إنتى البركه كلها ونحنا من غيرك عدم..ربنا يخليك لينا)
ودى زاتا مابتلقى ناس كتار يقولوها......لكن (بحبك).....كده....أبداً..
الواحد كان ضبحوه ما ينطقها......تقول حيكفر كان قالها....

اما الوالد خلوه ساي......دا حقو رايح رسمى وشعبى...
ياكافى البلا ويا حايد المحن زول بعبره ويقول كلمه زى دى مافى.......
احاسيسنا دايماً بتترجم فى شكل افعال.........نتكلم لا..........

فلاحتنا فى التعبير للجكس...تعبير شديد للبنات......التعبير راااااااااقد
بالكوم والردوم......تكب الحنك كلو مع البطه بتاعتك....تجى البيت
لسانك يتربط........


فى شنو يا أخوانا...........؟؟!!!! تعالوا لي بى جاى نفكر سوا.......

بت ودراوة

عدد المساهمات : 88
تاريخ التسجيل : 25/10/2009

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف Sami Assad الأربعاء أغسطس 11, 2010 4:51 am

يا اخت هذه أشياء متوارثة ولا نستطيع التحكم فيها كي نغيرها
حتى الحبيبة او الجكس كما تقولين حينما تصبح زوجة وام عيال يصعب جدا استعمال كلمة بحبك لها...
حبنا لامهاتنا واباؤنا لا يلزم ان نثبته بهذه الكلمة والتى فقدت معناها وأصبحت تستعمل لأصطياد العقول والاستيلاء على قلوب الفتيات
نعم هى كلمة جميلة ورائعة لكن التكرار الكثير والاساليب الملتوية جعلتها اقرب للكلمة الخادعة
لا شك فى اننى احب بناتى ومستعد افعل اي شئ لأجلهم لكننى لم اقل لهما اننى احبكم لكننى استعملت كلمات بديلة وايحاءات تدل وتثبت هذا الحب مثل انا بريدكم شدييييد
اختى بت ةدراوة ... عندنا مثل بقول السواى ما حداث... والحب عطاء وليس حديثا...وصدقينى الوالد والوالدة ما بحتاجوا لهذه الكلمة من الابناء...... ممكن الزوجة او الحبيبة تحتاج لهذا التعبير من الزوج
لكن الوالدة والوالد لا.......
Sami Assad
Sami Assad

عدد المساهمات : 89
تاريخ التسجيل : 28/11/2009

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف بت ودراوة الأحد أغسطس 15, 2010 5:13 am

اخ سامي ليه ما نقول انو دا كان زمان ما بنقدر نعبر صراحة عن حبنا لكن نحنا الان في الالفية التالتة وعصر العولمة ليه ما نصرح لابنائنا بالحاجات دي في خصوصا انهم بفهمو يعني شنو حب ما زينا زمان (اقصد زيكم

بت ودراوة

عدد المساهمات : 88
تاريخ التسجيل : 25/10/2009

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف bashirahmed الإثنين أغسطس 16, 2010 10:57 pm

الحكاية يا جماعة تعويدة ولو الطفل عودوهو من ما هو صغير على كلمة حا يكبر وينطقها الا زى ما قال سامي الواحد بعد ما كبر وبقى عمرو اربعينات وزيادة من الصعب يتعود على حاجة زى دي وبعدين انتو عودوا الجيل الجائي لو الكلمةد ي مهمة عندكم - التعبير الفظي له معناه وممكن يفعل فعل السحر ولكن تبقى القيم هى الاسماء والحب افعال لا كلام
وربنا يرضى عنا وعن والدينا ووالد والدينا ويرحمهما كما ربياني صغيرا ويرحم الجميع
وجزاك الله كل الخير

bashirahmed
Admin

عدد المساهمات : 389
تاريخ التسجيل : 16/03/2009

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف Sami Assad الثلاثاء أغسطس 17, 2010 10:33 am

أحبك احبك انا مجنونك

بريييدك يا شقى الايام

جملتين معناهما واحد... كل جملة بتحوى 4 كلمات
لكن الجملة التانية أعمق وأصدق من الاولى لأنها بتتناسب مع سودانيتنا

احبك انا مجنونك
مجرد تعبير متكرر ممكن تكون فيه الصناعة يعنى غير صادق
قصدت بذلك ممكن نستعمل كلمات واساليب من تراثنا تعبر عن حبنا لأهلنا لكن الكلمات والاساليب المستوردة لما نستعملها بتكون ضعيفة وأقرب للتكلف من التلقائية
انا معاك يا بت ودراوة فى ان على الرجل ان يجتهد قليلا في التعبير عن مشاعره لفظا... لكننى ارفض تشويه ثقافاتنا باساليب مستوردة
Sami Assad
Sami Assad

عدد المساهمات : 89
تاريخ التسجيل : 28/11/2009

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف عمر مبارك البشير الأربعاء أغسطس 18, 2010 2:52 pm

ياجماعه نحن متفين انو طريقتنا في التعبير عن الحب للوالدين والابناء بالطريقه التي ذكرتها بنت ودراوة اجمل بكثير من اي كلمه صريحه ( بحبك ؛ بريدك )
اما بالنسيه للجنس الاخر راااااقده وعلي قفي من يشيل بس من غير طعم ولا رائحه ولا حتي نكهه موز (جناين عبد الله ) اللهم الا من رحم ربي
طيب نحن ما ندعو للجديه والالتزام في موضوع الحب للجنس الاخر من غير لف ودوران حول الموضوع ونطرحه موضوع المنتدي للشهر ده لاننا جد بنعاني من الجديه ؛ بعدين طريقه توصيل الحب بتختلف حسب مكانه الزول عندك ( لانو الحب هو استعدادك لمناصفه الاخر نصف ذاتك )
انا بعرف ناس عاشو قصه حب جميله خالص اكثر من خمسه سنه من غير التعبير للاخر بلفظه بحبك والحمد لله الان عندهم ثلاثه اطفال عسل ( لما اتمنيت لو كنت انا )ما حساده مني بس بعاين بعيوني .

عمر مبارك البشير

عدد المساهمات : 120
تاريخ التسجيل : 27/07/2010

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف ماريا الخميس أغسطس 19, 2010 10:40 am

ياشباب بت ودراوه ركزت على نقطه معينه انو فى مجتمعنا الجكس والحبيبه بيعبرو ليهم عن الحب اما اقرب وافضل الناس لينا تعبيرنا عن الحب ليهم شحيح ونكتفى بالافعال فقط وفى ناس ياكافى البلا لا دا لا دا والجكس يابختهم يعبرو ليهم بالقول والفعل يس فى حاجه التعبير دا بنقطع بعد العرس وعشان مااظلم فى جزء بستمر بعد العرس والرومانسيه مابتتقطع مش كدا

ماريا

عدد المساهمات : 141
تاريخ التسجيل : 13/06/2010

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف بت ودراوة الإثنين أغسطس 23, 2010 5:40 am

اشكرك يا اختاه على المشاركة
والشي التاني ()خليهو بيناتنا
[b]

بت ودراوة

عدد المساهمات : 88
تاريخ التسجيل : 25/10/2009

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف طارق عبدالرحيم الصديق الثلاثاء أغسطس 24, 2010 2:17 pm

حقيقه توجد ازمه تعبير اسبابها كثيره اولها اختلاف الاجيال بل هو السبب الرئسى ,ونجد ان كثير من الصحف افردت مساحات لهذا الموضوع بهدف التقارب والتفاهم بين الاجيال ,بل هنالك كتاب مثل الفاتح جبرا {ساخر سبيل} تخصص فى مثل هذه المواضيع مثل موضوع {الحاجه طلعت تفتيحه} استعان الاستاذ بقاموس لمفردات يتداولها شباب اليومين ديل وللفائده سانقل لكم هذه المفردات لكى تسهل الكثيرين التعامل مع ابنائهم اواخوانهم او ونستهم او التواصل معهم
قاموس المفردات

الجلك/الجلكينة = الأب والأم

الألفة = الأخ الكبير
حرس الصيد = الحبوبة

الدفار= المراة السمينة

الركشة = المرأة الضعيفة

الحنان- والحاجة والبتاعة = المرأة

جكس + بلوم + حمام = بنات.

سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه

بُقاقه = بنت سمحة
قرمبوزه = بنت عمر 18 عام
سنقنق = بنت في عمر الزهور

نار منقد + نجاضه + شديدة = يعني بت سمحة شديد

شرط للأرض == سمحة شديدة .

التفتيحة = الرجل الواعي

يعرف كيف يكب (المكنات والجاكات) أى يكذب ( ويحنك الفارات) أى يغش ويخدع المغفلين

الجوكي = سواق الرقشة

الشمار = النميمة

القدة = كثير الكلام
قعونجة+نحل+دبايب + مظلات = شخص يفرض نفسه ويتواجد فى كل مكان/ زول ما معزوم

ورل= اكبردرجه من(دبيب ونحل وضفادع) .

مرطّب= مرتاح أو بحاله ممتازه.
ربه=حفله.
دكا كينيه= خاصة.

سفاسف + جومة + عضة = اكل او طعام
ياعمك= ياأخونا.
كهارب+كنجالات + ضحاكات + تشديرة + شرتيت= فلوس او نقود.
هكر+شجر= زول قديم

تبشه= شخص(عوير).
فاره + فرندقس ساي = شخص لا يعرف شي

حمام= زول ضعيف الشخصية

معلم واسطي = زول قوي جداً

فلان دقس واتلحس = خدعوه وأكلو حقوه

زول ما ناقش زول مسطح = زول أهبل

سيراليون = سيرة العريس

جر نور = نظر لمدة طويلة

فلان مجنترأو فاطي سطر أو مولع = يعني ليس فى كامل قواه العقلية

قلب= إنسان عزيز.
فلان كسح وفتح وقد سلك ورقد صوف = ذهب أو هرب.
شاكوش أو همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رائع.
شرامي= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز + الفقس = أسماء لرقصات شبابيه.
قائد الأسطول= مسطول

سكروتا + مسنن = سكران .
مهوى= جائع.
كبايه + كبابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير او انسان ما مرحب بيو في الحته
الطيارة =من لا حبيبه له
بيض == زول أي كلام .
حنااااك == يعني زول لسانو حلو
الحنك شنو = الموضوع شنو او الخبر شنو

الاستكش + الخدرا + بشرب الشديد = البنقو او سجاير البنقو
والله داير اعمل أبو حمامة : داير امشي الحمام
خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل

صديق منزول: تعني مصاب بنزلة برد

زوغبير+ كب الزوغة: يعني مشى اوزاغ

صلاح مصطفي: الإصلاح بين شخصين

على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
صديق منزول : النزول
زيادة حمور : زيادة في السعر
أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة
إلف جنية = جيبب بحنة + حبكة
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر = مائة

______





مقرم/شفت = شخص نبيه وذكي

كسير تلج = الشخص المنافق والمتزلف لرؤسائه

الأبيض ضميرك = رجل المرور

رمتالي = شخص ما نده موضوع

ضنين الوعد = للحمة الضان

سمير غانم = التيوس والماعز

جنينة = شخص مجنون

احمد راتب = الماههية والراتب

السلفادور = السلفية






الصغار.

طارق عبدالرحيم الصديق

عدد المساهمات : 159
تاريخ التسجيل : 29/05/2010

الرجوع الى أعلى الصفحة اذهب الى الأسفل

https://i.servimg.com/u/f4 رد: ازمة التعبير وغرابة التفكير

مُساهمة من طرف basmaahmed الثلاثاء يوليو 16, 2013 7:21 am

شكرا على تعبك
basmaahmed
basmaahmed

عدد المساهمات : 413
تاريخ التسجيل : 12/01/2013

https://wadrawa.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى