منتديات ودراوة للفكر والابداع
المواضيع الأخيرة
» اضخم مكتبة كتب الكترونية على النت للتحميل المباشر
السبت أكتوبر 10, 2015 6:04 am من طرف شموخ انسان

» للأستفادة من البحوث العلمية
الأربعاء ديسمبر 24, 2014 1:56 am من طرف فدوة

» استحداث منظومة الكترونية
الأربعاء ديسمبر 24, 2014 1:42 am من طرف فدوة

» نداء الى عبد الله النور الامين ابراهيم او من يعرفه
الجمعة أكتوبر 03, 2014 11:03 am من طرف ايمن النور

» السلام عليكم والرحمة
الجمعة سبتمبر 12, 2014 3:31 am من طرف فدوة

» السلام عليكم والرحمة
الجمعة سبتمبر 12, 2014 3:26 am من طرف فدوة

» هداياااااااااا للزوج
الأربعاء أغسطس 06, 2014 8:23 am من طرف الزهرة الجورية

» تخلص من داء الكبد الوبائي (ب) بفضل المنتجات الهاشمية
الثلاثاء يونيو 24, 2014 4:27 am من طرف غبيشة

» تعريفات طابعات ولابتوبر واسكنر وكاميرات وغيرها
الخميس مايو 29, 2014 2:42 am من طرف جابر الرميثي

دخول

لقد نسيت كلمة السر



المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 84 بتاريخ الإثنين أكتوبر 28, 2013 11:02 am

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ردحى النسوان

اذهب الى الأسفل  رسالة [صفحة 1 من اصل 1]

1default ردحى النسوان في الثلاثاء أكتوبر 05, 2010 11:40 am

ماريا


يطلق على شكل النسوان (الردحى)
لمن لا يعرفونه هو طريقة من الطرق (الكثيرة) التى تستخدمها النسوان فى حروبهن و نزاعاتهن ..
وهى طريقة تعتمد أساساً على إستخدام فنون اللغة من سجع و طباق و مقابلة لإعطاء الكلمات معنىً أكثر قوة ...... و هذه الكلمات بدورها منتقاة بعناية من قِبل (الرادحة) لتؤكد علو مكانتها أو لِتحط من قدر رادحة أخرى ...وهو ما يجعله ضرباً من ضروب الفنون تشتهر به الرادحات و يتميزن به عن باقى النسوان ال( بجم) اللآتى لا يستطعن الدفاع عن أنفسهن ولكن هنالك من ينظر له على انه كلام الشماسه من النساءوتجده بكثره فى شكله نسوان الحله بمختلف مسببات هذه الشكله انا شخصيا بحب شكل النسوان وبتمنى زول يشاكلنى عشان اردح فيه وخصوصا لو كان راجل فنجد المراه المتشاجره تنفعل
فتردح مفتخرةً :
ما تقيفى فى الزلط و تتكلمى غلط

نحن نححححححححححححححمد الله الغدا ضأن.. و التحلية برتكان...

العشا حمام و التحلية شمّام .....و مليانيييييييييييين يا إنتى ...

لا كوع يقد الوسادة لا ساق يضبح الجدادة ...نحن تربية بيت و فرش موكيت....

هيييييههههيييييييييى....


حليلكم إنتو يا ناس الإشلاق يا الما سمعتو بى السيريلاك ....

نببببببببرة و نستبرة و نسكن جبرة...

بششششششتنة و الناس متمحنة ...

أوع من كدا و الدنيا شتا ...

هيييييييييييييييييييييييى ...


لا كرعيننا رقاق و لا مولودين فى زقاق ..

أولاد عوااااااااايل و عندنا فايل ....

ولدونا فى الإمتداد و حبّينا فى البلاط ..
نححححححححححححمدو..... البنريدو بنولع ليو اللمبة.. و الما بنريدو بنحرش ليو الكلبة !!
عشان كدا أعملى لاين و أقيفى بهايند.... و أفهميها... أعملى شخيط و اقيفى بعيد ..

سجم و كمان عدم فهم ؟!!

هييييييييييييييييى و تااانى هييييييييييييى و تانى و تانى هيييييييييييييييييى....

هاهييييييييييييييييييييييييي شن جاب الكيكه للويكه
كان جبل طلعناو و كان عسل لحسناو ..
هووووووووووووى.... تنبزينى أنا يا كرور يا وسخ الخور !!
هييييييييييييييييييى

أخير ليييييك فتحى عينك قدر الريال و خلّى أضانك قدر العقا ل ...

ما تخلينى أدق الصفايح و أطلع الفضايح
يا مرة يا مجنونة يا شبه حجر الطاحونة ...يا ليمونة و عاملة فرعونة !!!
هيييييهييييييييييييييييييييييي ....

غادى غادى الجزام بعادى .

يا الككوية يا أم جضوماً موية
خاتمه
(هذا من كيدكن ان كيدكن عظيم)

2default رد: ردحى النسوان في الثلاثاء أكتوبر 05, 2010 9:13 pm

ابو اسامة

avatar
احيك اختى ماريا وحقيقة مثل هذا الكلام إذا تمت به الشكلة الان بين واحدة شهادة عربية والثانية من البلد أنا خايف تقول دايره ليها مترجم
يفترض الكلام الزى ده يجد له موثق حتى لا تندثر مثل تلك الكلمات العامية البحته ليس من أجل (النبز) وأنما من أجل حفظها من الانقراض وإذا تمعناها نجد منها الكثير وليس الكل فى كتاب عون الشريف قاسم (العامية السودانية)
وتقبلى تحياتى

3default رد: ردحى النسوان في الأربعاء أكتوبر 06, 2010 1:31 am

bashirahmed


Admin
اتخيل يا عوض حاج الخليل
شهادة عربية شاكلت شهادة سودانية

سودانية :
دحي وتاني دحي وتري لامن طبق زى طرقت الابري
يا بومة وتاني هى يا سوسيوة نحن لعبنا في السيوة
هى نحن فطورنا مرس وغدانا عند ناس العرس
بنفطر بني كربو بالويكاب وما نتاقي الباب

دحي وتاني دحي
يا ام كرعينا رقاق ومشققات يا غبشا زى فول الحاجات
يا ما بتعرفي الكركار والودك يا قلية الادب

ردت زولت الشهادة العربية
ميمي تعال ردت عليها انا ما فهمت كلمة من كلامها

ردت سودانية
بتفهي شنو يا بجم يا عيشة السجم
ردت عربية
انا منغنغة وسنغنقة
وباباى هاى وباباك لي لاهاى
طبعا سودانية ما فهمت المرة دي
اتكلمي عربي وخلينا من كلامي الخواجات والعجمي
يا مقصوفة يا مشحوطة يا دوكة يا لاقيوقة زى الويكة
يا خمارة يا زايدة في العوارة
قالت هى منقة وشنو كده ما سمعتها
انت منقة شنو منقة معفنة ومدودة
حمارتنا زادتا ما بتاكلا
يا ام راسا زى التكل والشعر عكل عكل
كوم قش ولا اقع ان غش
دا شعر ولا كوم بعر

طبعا زولة شهادة عربية ما فهمت حاجة
بابا عربيتو بي ام دبليو
وماما بتكي لما تودعو
شهادة سودانية ردت
عاين العوارة
البتفقع المرارة
قالت امها بتبكي
تقول جاهلة بتبكي لما يفوت منها!! كدي كدي !!
طبعا شهادة بكت واتصلت تلفون
ونواصل



عدل سابقا من قبل bashirahmed في الأربعاء أكتوبر 06, 2010 11:17 am عدل 1 مرات

4default رد: ردحى النسوان في الأربعاء أكتوبر 06, 2010 7:49 am

ماريا


تحياتى ابو اسامه على المداخله وفعلا انا حبيت اعرض الكلام دا بدافع التوثيق لانو الكلام دا سودانى بحت وماف برضى يقلع من جزوره حتى لو كانت جزوره دى مامفهومه او تراثيه لاجناس اخرى .
وطبعا يابشو ليها حق بت الشهاده العربيه ماتفهم لانو جنس الكلام دا لا امها سمعت بيهو ولا اتشاكلت بيهو عشان كدا ليها حق ماتفهمو.

5default رد: ردحى النسوان في الأربعاء أكتوبر 13, 2010 10:06 am

Sami Assad

avatar
روعة يا ماريا ... التورية والمدح بما يشبه الذم واسلوب التعليل...
الردحى ده كان مفروض يضيفوه لنهج البلاغة...
ضحكت كما لم أضحك من قبل... يديك العافية...


(والكاشف اخو اخوى داك برضو الله يديهو العافية) الكلام البين قوسين دة فيه استعارة)

6default رد: ردحى النسوان في الإثنين أكتوبر 18, 2010 3:49 am

بت ودراوة


هههههههههههههههههههههة بالجد يا ماريا ربنا يديك العافية وبعدين الكلام دا علميهوا لاولادك عشان ما يكونوا طاشين لمن يلاقوا اولادي ههههه

7default رد: ردحى النسوان في الثلاثاء يوليو 16, 2013 5:39 am

basmaahmed

avatar
شكرا على الموضوع الجيد

http://wadrawa.yoo7.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى