منتديات ودراوة للفكر والابداع
المواضيع الأخيرة
» اضخم مكتبة كتب الكترونية على النت للتحميل المباشر
السبت أكتوبر 10, 2015 6:04 am من طرف شموخ انسان

» للأستفادة من البحوث العلمية
الأربعاء ديسمبر 24, 2014 1:56 am من طرف فدوة

» استحداث منظومة الكترونية
الأربعاء ديسمبر 24, 2014 1:42 am من طرف فدوة

» نداء الى عبد الله النور الامين ابراهيم او من يعرفه
الجمعة أكتوبر 03, 2014 11:03 am من طرف ايمن النور

» السلام عليكم والرحمة
الجمعة سبتمبر 12, 2014 3:31 am من طرف فدوة

» السلام عليكم والرحمة
الجمعة سبتمبر 12, 2014 3:26 am من طرف فدوة

» هداياااااااااا للزوج
الأربعاء أغسطس 06, 2014 8:23 am من طرف الزهرة الجورية

» تخلص من داء الكبد الوبائي (ب) بفضل المنتجات الهاشمية
الثلاثاء يونيو 24, 2014 4:27 am من طرف غبيشة

» تعريفات طابعات ولابتوبر واسكنر وكاميرات وغيرها
الخميس مايو 29, 2014 2:42 am من طرف جابر الرميثي

دخول

لقد نسيت كلمة السر



المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 84 بتاريخ الإثنين أكتوبر 28, 2013 11:02 am

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ردود البنات على الخطوبة بالتسلسل الزمني

اذهب الى الأسفل  رسالة [صفحة 1 من اصل 1]

1default ردود البنات على الخطوبة بالتسلسل الزمني في الثلاثاء أغسطس 24, 2010 7:59 am

عمر مبارك البشير


سنه 1930
الأب : الضيف إلي جاي عندي خطبك وانا اديتو كلمه ، عرسك يوم الجمعه الجايه

البنت : إن شاء الله يا أبوي .
*********
سنه 1950
الأم : الاسبووع الجاي عرسك ' مبروووك '.
البنت : إلبتشوفيه يمه ، وعلامات الرضى على الوجه (^_^)
********
سنة 1960
الأم : ود عمك قال دايرك وكلم ابوك ، ألف مبروك

البنت : سكوووووووت ووجه مملوء بالخجل (^_^) والفرحة
*********
سنه 1970

الام : ابن فلان اتقدم ليك موافقة ولا لا ؟

البنت : بقت تدلع

تقول : ' لا دايرة أقراء' ... سبحان مغير الاحواااال

*********
سنه 1980

شويه شويه البنت تسأل اصله وفصله وشغال شنووبصرف كم .... وبعد كل هذه الاسئله والكل ينتظر الجواب

ترد عليهم : الراجل ده اكبر منى ومابقدر يفهمنى
*********
سنه 1990

إنعكست الآيه والبنت تتشرط وتقول : ابوى اقعد معه

وأتعرف عليه اكثر عااادي
*********
سنه 2000البنت : شوفي يمه ، حبيبي جاي يخطبني اليوم موافقين ولا ما موافقين ؟

وعشان كان ماموافقين بعرسوبعرسو
*********
سنه 2010
البنت : انااحبك ومستعده اعرسك اسى !! أنا موافقة وكان ما عرستنى بنتحرررر
*********
سنه 2015

البنت : اليوم خطبتي ياابوى..... ماتطلع من البيت اوكي ,

الاب : كويس بجى الساعه كم
*********
سنه 2020

البنت : بابا بابا الاسبووع الجاي عرسي وانت معزوووم
ما تنسا تكلم اعمامي واخوالي واصحابك بس حدك 50 شخص !!!
*********
سنه 2030

البنت : بابا أعرفك بـ فادي ولدي...

الأب : أنتي عرستى متين؟؟

البنت : بصراحة ما كان عندي وقت اكلمك

ماريا


لان الزمن يتطور وشى طبيعى الناس يتماشو معاهو بس ربنا يستر وماتجينا المراحل الاخيره دى

طارق عبدالرحيم الصديق


ولله ماعارفين اخونا مصعب اردو عليهو فى ياتو فتره

محمد عبيد

avatar
التسلسل شكلو بهم عمر براهو وممكن معاهو ود الامين

عمر مبارك البشير


العزيز محمد والرائع طارق شنو فتحنا النار علينا ونحن ماعارفين ؛ معليش ياجاري الراقي ود عبد العزيز والداهيه المخضرم ود الامين ؛ بس الجماعه استعجلو شويه وفاتونا
دعواتك يا طارق وانت في البلد الامن ومحل الامين الحبيب (ص)........

ابو اسامة

avatar
[b]تحياتى للجميع وبقول لى جارى الحق الجماعة دايرين اشيلو حالك ولى عمر مبارك مالك مطول الغيبة [/b]

ابو اسامة

avatar
انتو ود عبيد ده راس الصوط ما واصلوا والا عرس ونحن ماعارفين .

ابو اسامة

avatar
اكان ما عرست خلاص انا حاجز ليك بتى لانو نحن بتنا بت 1930 وكلامنا هو البمشى بطاحين يارسول الله.

ماريا


طبعا كلام الرجاله ديل يضحك انتو هسى بتتكلمو على بورتكم وعزوبيتكم ولا ردالبنات لما تمشو تخطبوهم عموما كلام ابو اسامه دا امسكو فيهو قوى ولو انى شاكه فيهو

ابو اسامة

avatar
تحياتى للاخت ماريا رغم انى لم اتشرف بمعرفتها لاكين حقيقة موضوع ردود البنات اليومين ديل فيه نوع من التفنن أو بكلام الجيش (جرجره)نتمنى للجميع اجد بت الحلال لاكين انا عند كلمتى وخصوصاً لى ود عبيد وعمر المبارك.

بت بصريات

avatar
طبعا التسلسل طبيعي طبقا لتغير الزمن وتغير مفهوم الناس لكن ما اظن يحصل الكلام من 2015 وانتو ماشين ياخي الدنيا بخيرهاوعلاقة الابوه والبنوه علاقه فطريه ما اظن تصل للدرجات ديك

مصعب عبدالعزيز

avatar
الكلام ده ماظنو بيحصل فى ودراوه الشورة للبت موجودة لكن الراى لى اولياء الامور
ولا كان كده نحن مارحنا فيها ساكت
ويبقى ده قدر الله جاناء عديل على العموم دى احتمالات زمنية ولوشملت ودجاموس نحن راضين بيها
تحيانى
تصوموا وتفطروا على خير

bashirahmed


Admin
طبعا انا بفكر في عام 2050 والسيرة تجي لولدي محمد ومحمد يقول قولو لناس العروس محمد ما موجود لانو اصلا ما عايز البت وفي نفس العام جات كمية من السيرات ومحمد بقوليهم مرات ما موجود ومرات عايز اقرا ومرات بطلت العرس ويرجع ليهم شبكتهم وحاجاتهم ويرفضوا استلامها ووووو وان شاء نحضر زمن فيهم البنات يجن سايرات وده كلوا بحصل وقالوا اخر الزمن البنات بقو اكتر من الاولاد بمضاعفات وان شاء الله الله يورينا فيهم اليوم داك ويا مصعب ما تستعجل انتظر الزمن ماشي في صالحك

محمد عبيد

avatar
حبيبنا عوض تحياتي بتك اديها لعمر مبارك ولا محمد الامين انا عندي بنتي (امامة )للكن ممكن اديها لولدك اسامة بس العرس عام 2030 بدون مقاييس عمر مبارك لانه عذابي وليس علي العذابي حرج في الخطوبة والزواج

بت ودراوة


يا العزابية مالكم عمر دا كتر المحلبية شوية ما اظن بت ودراوة وبت الاصول تعمل الكلام دا بس انتو تعالوا قولوا دايرين نعرس اي نعم الزمن اتغير لكن للمثقفاتية يعني تتعرف على البت وتفهمها كويس وهي كمان من حقها الكلام دا عشان ما تحصل خطوبة وبعدبن يتصدموا ببعض

16default رد: ردود البنات على الخطوبة بالتسلسل الزمني في الثلاثاء يوليو 16, 2013 5:51 am

basmaahmed

avatar
شكرا على الموضوع الجيد

http://wadrawa.yoo7.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى